تدري وش سوى غيابك ؟؟

[/size]

تدري وش سوى غيابك؟!
موت غيابك سوالف

مايخوفني زماني
بس من فرقاك خايف !!

فجأه اصحى وما اشوفك..
لاتهددني...ظروفك

اعتبرني حلم .\ واقع
والا ظل مايطوفك

ضامي عطشان...جيتك
لايعشمني سرابك..!

تسمح بكلمة ؟! بغيتك..
قبل لاتبدى غيابك...

تدري وش معنى غيابك؟!..
يعني:
اسوأ شيء شفته طول عمري!!..

تبدى ضحكاتي هلابك
وفي وداعك
ماينام الجرح بدري..

وانت كيفك
شوف وش ناوي عليه

هاك قلبي وهاك سيفه
وسو اللي فيني تبيه !!..

لاتحاتي
صفح بكيفك جروحي

وإشطب آمالي وطموحي
وإعتبر قلبي كتابك !!..

تدري وش حطم غيابك؟؟!!
مركب بداخل شعوري

من نسى قلبك حضوره
قلبي ماواجه شعوره

عندي مابه شيء ضروري
فاقد إحساس الاماني
لامراسي لا مواني

وصارت الدنيا قســـــــى !!
وصار دوري..
اعشق انواع الارق
والفظ انفاس الغرق

وصوت معناه الخطر
وقلب ميت .. يحتضر

من غيابك السلامه
فيها قلبي مارسى
لاصباحي هو صباحي
ولا مسا قلبي مسا

ياحبيبي في.. غيابك
إختلف شكلي ولوني
صرت انا انسان ..... ثانـــــــــي
والسهر تعب عيوني

والسؤال اللي ذبحني:
صدق اهو فعلا نسى؟؟
راح واهداني للأسى؟

وما وصبت الا لحقيقة:
الجفا اسهل طريقه
للقســــــــــى .....!

تدري وش يسأل غيابك؟
تدري لو ينطق غيابك؟

بس ابسأل وين كنت؟
ووين رحت بغيبتي؟

وبسأله عن وضع قلبك..!
هنت عنده او ماهنت ...؟

ياللي من غيرك حياتي
مالها داعي ومعنى...

صار قلبي مايحاتي
بعد ماتخليت عنه

ايه كل الناس عندي
بس مابيهم بدونك...!!

تدري ياعمري بأنك
عندي كل الناس انت...

ومهما تجرحني ... مسامح
وكل طعناتي ... عوافي

عشت وافي لدنيتك
وبموت وافــــــــــــي

غيبِتِك [قسمه ونصيب ]
خلْني أشرَه عـ ( الزمن )

يا حبيبي .. ما هو عيب
إن بكى فينـي .. الوزن

( يا تصيب و يا تخيب )
e]فكره ] .. في بالي تزن

إنتَ [ أكثر ] مِنْ حبيب
إنتَ لي .. معنى ( وطن ) ..!!

يعني مِنْ غيرك " غريب "
ما أساوي .. أي ثمن ..!!

وإنتَ أقرب مِنْ / قريب
e]رمش ] وشعوري جفن

ولما عَن عيني .. تغيب
لا مدينـه .. ولا سكن..!!

مااااتــ .. إحساسي العجيب
وصرت أبحَث عَن كفن.!!

ما هو كل جرحٍ يطيب
وما هو كل حزنٍ : " حزن" ..!!

تدري وش ناتج غيابك ؟
زادت بـ قلبي الهموم !

[ الفَرَح ].. عنِّي مسافر
وحزني ضيفي كل يوم

صرت أسأل صرت " ضايع "
حلم هذا أو حقيقه ؟!

كنت شاري وإنت / بايع
به مثل هـ الضيق ضيقه ؟!

عطني من وقتك / دقايق
شوف وش فيني و روح !

يا حبيبي حيل ضايق
حس مرَّه بـ الجروح !

يعني جرحي ما يهمِّك ..!؟
وعادي عندك لو e]أضيق ]

إنسى إنَّ إسمك .. حبيبي
صير لي عون و صديق

ليه قلبك .. ما يبالي ..؟
وقلبي محتاجك " يبيك "

إنتَ عندي شخص غالي
تكفى لا تصدمني فيك

ما بقى لي شخص / غيرك
وإعتيازي لك .. تعب

إيه محتاجك وشوقي
نار وغيابك " حطبــ " !

عليك شلون ما أزعل ؟
وتسوِّي أشياء تجرحني !

تضايقني بـ أفعالك ..
وتظن إنِّك مفرحني ؟

تسوِّد وجهي بـ طعونك ..
وتبيِّض ( وجه ) أحزاني ..!

[ ياليت ] اللِّي حصل منِّك ..
حصل من واحدٍ ثاني !

مثل غيرك ومنتَ غير ..
جرحت جروح ما طابتــ ..!

هقيته فيك يطلـع خير ..
ولكن هقوتي " خاااابت "

صدمني الكل ..ومو ناقص !
بعد منِّك تجي صدمه

تحطْها بذمِّتك ( عادي )
وسيعهـ صارت الذمه !

بسيطه كانت أحلامي ..
توقعتك تحب لي الخير

وتدوِّر .. راحة أيَّامي !
وأشوف إن الحقيقه غير ..

تحب الخير لـ جروحي ؟
حبيبي الوقت ما قصَّر

وكلمة حق .. يا روحي :
( جميع الناس تتغيَّر ) !!!

تدري وش ينهي غيابك ؟!
ينهي أحلامي و k]طموحي ]

ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني

كيف أقول : إشتقت لك ؟!
وصورتك دايم بـ عيني !

كيف أضحك ؟! كيف أنسى ؟!
وإنت غايب عن مكانك

لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !

ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !

قمت أسأل نفسي k]وييينك ] ..
من معاي ؟ ومن علي !

وبـ/النهايه لا تحاتي ..
تبقى في دفتر حياتي :

أغلى كلمه .. وأحلى كلمه !
إنطقت فيها " شفاتي " ..!

تدري وش " يقتل " غيابك ؟!
يقتل إحساسي و عمري !

وين رايح عن عيوني ؟
ليه ؟ تو الناس ! بدري !

إدفن أسراري معاي ..
ما أبي أي شخص يدري

لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !

قول [ إحتاجك ] حبيبك ..
وإنت لاهي بـ الغياب !

من يحبك ... وش مصيره ؟!
- " يحترق " قلبه أكيد !

تنهي أحلامه الكبيرهـ ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..

المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!

أختصر باقي كلامي ؟!
حيل يقتلني غيابك

تدري وش بكَّى غيابك ؟
موق عين اللي تحب !

مهتني حضرة جنابك
والمشاعر " تنتحب " ..!

المطر من غبت ينزل
إمتلت عيني وخدِّي !

ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !

ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟ - ما دريت !

صرت أضحك من جروحي
وداخلي ياما ( بكيت ) .. !

صارت الراحه / ألَم
واللي باقي ..ما سَلَم !!

" التَعَب " واقع أعيشه
قلبي بـ الفرحه حَلَم ..!

دمعتي تمشي تسولف
وإنعَمَت عين الشفايف

وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!

ويبقى مثل أوِّل مكانك
وأعتبر هـ الجرح ( هيِّن ) ..!

فدوه لك جرحي و ضيقي ,,
المهم قلبك يحب

تدري وش موتي الـ حقيقي ؟!
[ من حياتي تنسحب ]

تدري وش صحَّى " غيابك " ؟
جرح نايم من سنين !

ما ربحت وما فرحت
جرحي فيني يستهين !

غيبتك كانت خساره
إفهم التعبير زين

من ترك قلبك دياره
وجه جدرانك ( حزين ) !

دمعتي تملي عيوني
عين تسأل فيني عين

تبكي فيني أو بدوني
وضعت بين الدمعتين !

وين أيَّامك يا " غايب " ؟
قلبي يسأل قول وين !!

يا بعد كل الحبايب ..
شوف وش سوّى الحنين !

نمت وفي حلمي لقيتك
وقمت أردد كلمتين :

لا تغيب أكثر فديتك
نامت أفراح السنين !

[b][b][size=25]للشاعر: أحمد الصانع
"منقول

مشكوووووووووووووووووووور و بارك الله فيك